کوئینز لینڈ (نیوز ڈیسک) ہالی ووڈ اداکار جانی ڈیپ جو کہ پائریٹس آف کیریبیئن سیریز کی فلموں میں کیپٹن جیک سپیرو کے کردار کے سبب بچوں میں بے حد مقبول ہیں، گزشتہ روز اسی حلیئے میں کوئینزلینڈ کے ایک چلڈرن ہاسپٹل جا پہنچے۔ جانی ڈیپ کو اپنے مخصوص حلیئے میں دیکھ کے بچوں کی خوشی کا کوئی ٹھکانہ نہ رہا۔ اس موقع پر وہ اداکار کے ساتھ سیلفیز کھنچواتے رہے۔جانی ڈیپ کے مطابق وہ جانتے ہیں کہ ان کے اس کاسٹیوم اور گیٹ اپ کو بے حد پسند کیا جاتا ہے، یہی وجہ ہے کہ وہ اپنا یہ لباس ہمیشہ اپنے ساتھ رکھتے ہیں تاکہ کسی اتفاقیہ دورے کی صورت میں وہ اسے پہن سکیں۔ جانی ڈیپ ان دنوں اسی سیریز کی اگلی فلم کی شوٹنگ کے سلسلے میں مقیم ہیں۔گزشتہ روز بھی ایک طویل اور تھکا دینے والے شوٹ کے بعد سیٹ پر موجود کوئی شخص بھی جانی سے یہ توقع نہیں کررہا تھا کہ وہ ہسپتال بھی جائیں گے تاہم جانی حسب وعدہ ہسپتال جا پہنچے۔جانی ڈیپ کے ہسپتال کے دورے کی کوریج جوسڈ ٹی وی نامی پروگرام کیلئے کی گئی یہ پروگرام بھی ہسپتال میں زیر علاج بچے ہی تیار کرتے ہیں