لاہو ر(نیوز ڈیسک )معر وف اداکارہ نو رنے کہا ہے کہ نوجوان فنکار نہ صرف پاکستانی ڈرامہ بلکہ فلم انڈسٹری میں بھی اپنا اہم کردار ادا کر رہے ہیں ، شوبز کے لئے پڑھے لکھے نئے چہروں کی بڑی کھیپ کا میسر آنا انتہائی خوش آئند بات ہے ۔ ایک انٹر ویو میں اداکارہ نے کہا کہ نوجوانوں کی اکثریت ماڈلنگ کے شعبے میں قسمت آزمائی کر رہی ہے جو قابل تعریف ہے کیونکہ اس شعبے میں ان کے اعتماد میں اضافہ ہوتا ہے ، انہیں چاہیے کہ خود کو صرف اس شعبے تک محدود رکھنے کی بجائے فلم اورڈرامہ انڈسٹری میں بھی اپنا کردار ادا کریں ۔ نور نے کہا کہ حکومت سے مطالبہ ہے کہ نئے ٹیلنٹ کو حکومتی سطح پر ڈگری فراہم کرنے کےلئے ادارے بنائے جائیں اور اس کے لئے سینئر فنکاروں کی خدمات حاصل کی جائیں۔