لاہور(نیوز ڈیسک)اداکار شان کے پرستاروں نےٹوئٹر پر ایک پولنگ کے دوران ”وار“ کو ان کی سب سے بہترین فلم قرار دیا ہے۔اداکار شان شاہد نے پاکستان کی متعدد فلموں میں بہترین اداکاری کے جوہر دکھائے ہیں، انہوں نے اپنی فلموں میں ہر کردار بخوبی ادا کیا ہے پھر چاہے وہ دیہاتی کا کردار ہو، موسیقار کا، یا ملک کی بقاء کے لیے لڑنے والے کسی محافظ کا، ان کا ہر روپ پرستاروں کو بھا جاتا ہے۔شان خود جاننا چاہتے تھے کہ ان کے مداحوں کی نظر میں بطور اداکار ان کی سب سے بہترین فلم کونسی ہے۔شان نے حال ہی میں سماجی رابطے کی ویب سائٹ ٹوئٹر پر اپنے مداحوں سے اپنی تین سب سے بہترین فلموں کے بارے میں پوچھا۔شان کے متعدد پرستاروں نے ان کی فلم”وار“ کو سب سے پسندیدہ قرار دیا البتہ فلم”خدا کے لیے“ بھی ان کی بہترین فلم کے طور پر سامنے آئی۔ کچھ پرستاروں نے شان کی پرانی فلموںنکاح،سنگم اوربلندی کو بھی ووٹ دیئے۔