ممبئی (نیوز دیسک) بالی ووڈ اداکار شاہد کپور کے بارے میں معلوم ہوا ہے کہ انہوں نے اپنے شادی کے شرکا کو کسی بھی تقریب میں تصاویر کھینچنے سے روک دیا تھا اور جن افراد نے تصویریں کھینچیں، شاہد نے ان سے بھی یہ تصویریں زبردستی ڈیلیٹ کروا دیں۔ شاہد اپنی شادی کی تمام تقریبات کو سادہ رکھنا چاہتے تھے جبکہ میڈیا ان کی شادی کے حوالے سے کافی پرجوش تھا۔ یہی وجہ ہے کہ اداکار کی اپنی دلہن کے ہمراہ ایک جھلک اپنے قارئین کو دکھانے کیلئے میڈیا نے کافی پاپڑ بیلے دوسری جانب شاہد کپور کے بارے میں معلوم ہوا ہے کہ جس وقت ان کی بارات پہنچی تو بارات کے ہمراہ بینڈ باجہ وغیرہ نہیں تھا، بلکہ صرف ایک ڈھول والا تھا۔ شاہد اس ڈھول کی تھاپ پر والہانہ رقص کررہے تھے۔ اسی دوران ڈھول والے ان کی تصویر کھینچی جسے شاہد نے ڈیلیٹ کروا دیا۔انہوں نے مہمانوں سے بھی درخواست کی تھی کہ وہ ان کی شادی کی تصاویر کھنچنے سے پرہیز کریں ۔