ممبئی(نیوز ڈیسک) بالی ووڈ اداکارہ سونم کپور برطانوی شہزادی کیٹ مڈلٹن کے ڈائٹ پلان پرعمل کریں گی، اپنی فلم بیٹل آف بٹورا میں وزن کم کرنے کی خاطر سونم کپورنے اس پلان پر عمل کرنے کا فیصلہ کیا ہے۔ اس ڈائٹ پلان کو پروٹین سپیئرنگ موڈیفائیڈ فاسٹ کا نام دیا گیا ہے۔ اس طریقے میں کاربوہائیڈریٹس اور فیٹس کا استعمال بالکل ترک کر دیا جاتا ہے، صرف معمولی مقدار میں پروٹینز کا استعمال کیا جاتا ہے تا کہ جسمانی اعضا درست طریقے سے کام کرتے رہیں۔ نمکیات اور وٹامنز کی کمی پوری کرنے کیلئے سپلیمنٹس کا سہارا لیا جاتا ہے۔ واضح رہے کہ یہ ڈائٹ پلان وزن میں فوری کمی کے لئے استعمال کیا جاتا ہے۔ کیٹ مڈلٹن کے علاوہ جینیفر لوپیز بھی اسی ڈائٹ پلان پر عمل کرتی ہیں تاہم اس کے حوالے سے صحت کے مسائل بھی جڑے ہوئے ہیں۔ سونم کپور بالی ووڈ کی دبلی پتلی اداکاراو¿ں میں شمار کی جاتی ہیں اور ان کی طرف سے اس ڈائٹ پلان پر عمل کرنے کی خبروں نے ان کے پرستاروں کو بھی پریشان کر دیاہے۔