ممبئی (نیوز ڈیسک) ماضی کی بالی ووڈ اداکارہ اور نامور رقاصہ ہیما مالنی کو ہسپتال سے ڈسچارج کردیا گیا ہے۔ ہیما مالنی دو روز قبل ہائی وے پر اپنے ڈرائیور کی تیز رفتاری کی وجہ سے حادثے کا شکار ہوئیں تھیں۔ اس حادثے میں مخالف سمت سے آنے والی گاڑی میں سوار ایک چار سالہ بچی ہلاک ہوگئی تھی جبکہ گاڑی میں موجود اس کے دیگر اہل خانہ بھی شدید زخمی ہوئے تھے۔ اس واقعے کے بعد اداکارہ کے ڈرائیور کو گرفتار کرلیا گیا تھا۔ہیما مالنی نے ہسپتال سے ڈسچارج ہونے کے بعد میڈیا نمائندوں سے بات چیت کرتے ہوئے کہا ہے کہ وہ غمزدہ خاندان کے ساتھ پوری ہمدردی رکھتی ہیں اور خدا سے دعا کرتی ہیں کہ وہ انہیں اس غم کو جھیلنے کا حوصلہ عطا کرے۔ دوسری جانب ہلاک ہونے والی بچی سونم کے والد نے الزام عائد کیا ہے کہ اگر ان کے خاندان کو بھی ہیما مالنی کے ہمراہ ہی ہسپتال منتقل کیا جاتا تو ممکنہ طور پر سونم کی جان بچ جاتی۔ ہیمامالنی کو جائے حادثہ پر پہنچنے والے طبی عملے نے فوری طور پر ہسپتال منتقل کردیا تھا جبکہ کچلا جانے وال زخمی خاندان پولیس کے رحم و کرم پر چھوڑدیا گیا تھا