لندن (نیوز ڈیسک)پاکستان کا فخر گل مکئی کی زندگی کی دستاویزی کہانی، ہی نیمڈ می ملالہ کا پہلا ٹریلر ریلیز کردیا گیا ہے۔خاموشی کا قفل توڑ کر ظلم کے خلاف آواز اٹھانے کی سزا ملی ملالہ یوسف زئی کو، سفاکوں نے اندھا دھند گولیاں برسا کر موت کی وادی پہنچانا چاہا۔زندگی موت کی کشمکش میں رہنے کے بعد گل مکئی نے دے دی موت کو مات، لوٹ آئی واپس اپنوں میں بہادری ہمت کی بنی مثال۔شہرت کے ساتویں آسمان پر پہنچی پاکستانی بیٹی مگر وطن عزیز کو بھولی نہیں۔نوبل انعام یافتہ گل مکئی کی زندگی کی داستان اور نشیب و فراز بیان کرتی دستاویزی فلم”ہی نیمڈ می ملالہ“ اکتوبر میں آرہی ہے۔