لاہور ( نیوزڈیسک) ٹی وی ، فلم اور تھیٹر کی معروف اداکارہ زارا اکبر نے کہا ہے کہ پاکستان میں بھارتی ٹی وی چینل کی نشریات کو بند کر دینا چاہیے کیونکہ بھارت ان غیر مہذب چینلز کے ذریعے سے اپنا کلچر پاکستان میں عام کرنے کی کوشش کررہا ہے جسکے آگے بند باندھنے کی ضرورت ہے۔ ایک انٹرویو میں گفتگو کرتے ہوئے انہوں نے کہا کہ بھارتی ٹی وی چینلز کے پروگرامز کا ہمارے معاشرے پر برااثر پڑ رہا ہے اور اسکی وجہ سے گھریلوں جھگڑے بھی روز کا معمول بن چکے ہیں ۔ زارا اکبر نے کہا کہ حکومت وقت کو چاہیے کہ ان بھارتی چینلز کو فوری طور پر بند کیا جائے اور پاکستانی اور مقامی ٹی وی چینلز کی حوصلہ افزائی کی جائے ۔