لندن(نیوزڈیسک)مشرق و مغربی حسن کا شاندار امتزاج سمجھی جانے والی اداکارہ سلما ہائیک کے متناسب سراپے پر دنیا رشک کرتی ہے تاہم اداکارہ کا کہنا ہے کہ اس کیلئے وہ کوئی خاص ورزش نہیں کرتی ہیں۔48سالہ اداکارہ کا کہنا ہے کہ ان کی شاندار جسامت کا سبب یہ ہے کہ وہ اپنے جسم کو اس طرح کنٹرول میں رکھتی ہیں کہ ان کے تمام مسلز سارا دن متحرک رہیں۔ سلما کا کہنا تھا کہ ان کے کام اور خاندانی مصروفیات کے سبب ان کے پاس اتنا وقت نہیں ہوتا ہے کہ وہ باقاعدہ ورزش کرنے جم جاسکیں ۔ اس لئے وہ یہ متبادل طریقہ استعمال کرتی ہیں۔ سلما کے بقول اس طرح ان کے مسلز کم از کم بھی بیس گھنٹے متحرک رہتے ہیں۔ سلما کا کہنا ہے کہ انہیں لندن میں قیام کے دوران ایک عورت نے سکھایا تھا کہ کس طرح ورزش کے بغیر ہی اپنے مسلز کو سارا دن متحرک رکھا جاسکتا ہے۔ اس طریقے سے مسلز اس وقت بھی متحرک ہوتے ہیں جب کہ آپ واش روم میں فارغ بیٹھے ہوتے ہیں۔