لندن(نیوزڈیسک )آسٹریلوی بینڈ فائیو سیکنڈز آف سمر سے تعلق رکھنے والے گٹارسٹ مائیکل کلفورڈ ویمبلے، لندن میں دوران پرفارمنس جھلس گئے۔ معلوم ہوا ہے کہ19سالہ گٹارسٹ دوران پرفارمنس پائیروٹیکنیک ڈسپلے کے بے حد قریب چلا گیا تھا جس کی وجہ سے ان کے بالوں نے آگ پکڑ لی جس کی وجہ سے ان کا چہرہ بھی جھلس گیا۔ اس حادثے کے فوری بعد کنسرٹ منسوخ کردیا گیا اور مائیکل کو طبی امداد کیلئے ہنگامی طور پر ہسپتال منتقل کردیا گیا۔ واقعے کے کچھ گھنٹوں کے بعد مائیکل نے مداحوں کے ہمراہ اپنی ایک تصویر بھی انسٹاگرام پر شیئر کی جس میں ان کا نصف چہرہ پٹیوں میں جکڑا ہوا دیکھا جاسکتا ہے۔فائیو سیکنڈز آف سمر آسٹریلیا کا معروف اور ایوارڈ یافتہ بینڈ ہے۔ گزشتہ چند دنوں کے اندر اندر دوران پرفارمنس گلوکاروں کے ساتھ پیش آنے والا یہ تیسرا حادثہ ریکارڈ کیا گیا ہے۔
فائیو سیکنڈز آف سمر کاگٹارسٹ دوران کانسرٹ جھلس گیا
14
جون 2015
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں