لاہور(نیوزڈیسک)معرو ف گلوکارہ حمیرا ارشد اور انکے شوہر ماڈل و اداکار احمد بٹ کے درمیان صلح ہو گئی ، اسٹیج کے پروڈیوسر سخی سرور ،گلوکارہ کے بھائی غلام عباس اور عرفان کھوکھر نے صلح کرانے میں اہم کردار ادا کیا ۔ تفصیلات کے مطابق گلوکارہ حمیرا ارشد اور انکے شوہر اداکار احمد بٹ کے درمیان معاملات شدت اختیار کرنے کے بعد عدالت تک پہنچ گئے تھے اور حمیر اارشد نے خلع کے لئے عدالت سے بھی رجوع کر لیا تھا ۔ جبکہ اس دوران دونوں کے مشترکہ دوستوں اور اہل خانہ کی طرف سے صلح کے لئے مسلسل کوششیں جاری تھیں ۔ بتایا گیا ہے کہ معروف اسٹیج پروڈیوسر سخی سرور ،گلوکارہ کے بھائی غلام عباس اور عرفان کھوکھر نے میاں بیوی میں صلح کے لئے اپنی بھرپور کوششیں کیںجو رنگ لے آئی ہیں ۔ حمیر اارشد نے گفتگو کرتے ہوئے کہا کہ پرسکون زندگی گزار نا چاہتی ہوں ۔ اپنے شوہر اور بیٹے کے ساتھ ماضی کی طرح نیک نیتی کے ساتھ زندگی بسر کروں گی ۔ اداکارہ نے بتایا کہ وہ آج اپنے شوہر کے ہمراہ پریس کانفرنس میں باقاعدہ صلح کا اعلان کریں گی۔