کراچی (نیوزڈیسک)وی جے سے اداکار بننے والی ماورا حسین بالی ووڈ میں اپنے ایک فوٹو شوٹ کی وجہ سے تنازع کا شکار ہو گئیں۔حال ہی میں سامنے آنے والی اس تصویر میں ماورا پاکستان میں اپنے کرداروں سے بالکل مختلف ایک لال رنگ کے لباس میں نظر آ رہی ہیں۔اس تصویر کی وجہ سے انہیں مثبت کے ساتھ ساتھ منفی تنقید کا بھی سامنا ہے۔ماورا نے نجی ٹی وی سے گفتگو میں اپنے حالیہ ممبئی دورے کے بارے میں بتایا کہ بولی وڈ پاکستانی میڈیا انڈسٹری سے کافی مختلف ہے اور ایک اداکار ہونے کی حیثیت سے وہ بولی وڈ میں نئے اور منفرد کردار کرنا چاہتی ہیں۔ان کا کہنا تھا کہ پاکستانی عوام نئی تبدیلیاں قبول کرنے میں لیتی ہے اور یہی ان کے فوٹو شوٹ کے ساتھ ہوا۔ان کا کہنا تھا کہ میں نے ایسا کچھ نہیں کیا جو پاکستانی سینما میں نہیں کیا جاتا البتہ وہ اپنے پرستاروں کی شکرگزار ہیں۔