لاہور (نیوز ڈیسک)شہزاد رائے ملک کی وہ شخصیت ہیں جو کسی بھی تعارف کی محتاج نہیں۔ اگر یہ کہا جائے کہ انہوں نے اپنی گلوکاری کے ذریعے معاشرے میں موجود برائیوں کو اجاگر کیا تو ہر گز غلط نہ ہوگا۔شہزاد رائے نے سماجی کاموں میں بھی بڑھ چڑھ کر حصہ لیا۔ انکی این جی او زندگی ٹرسٹ نے کئی گورنمنٹ سکولوں کی تعمیر نو کی۔انہوں نے اپنے کیرئیر میں جو بھی کام کیے اس کا کوئی نہ کوئی مقصد تھا،لیکن اب یہ فنکار اپنی ایک اور صلاحیت کا مظاہرہ کرنے جارہے ہیں۔شہزاد رائے کے مطابق وہ جلد ہی فلم میں اداکاری کرتے نظر آئیں گے۔اس فلم کے رائٹر پاکستان کا ایک اور بڑا نام انور مقصود ہیں۔ شہزاد رائے کے مطابق انہوں نے کبھی بھی فلم میں اداکاری کرنے کا نہیں سوچا تھا لیکن جب انہیں اسکی کہانی دی گئی تو وہ انکار نہیں کر سکے۔اس فلم میں ہدایتکاری کے فرائض احسن رحیم انجام دیں گے جبکہ اداکار فیصل قریشی کا بھی اہم کردار ہوگا۔