ممبئی(نیوز ڈیسک )اپنے کیریئر کا آغاز کرنے والی تمام ہیروئنوںکی دلی چاہت ہوتی ہے کہ وہ سلمان خان، شاہ رخ خان اور عامر خان کے ساتھ ایک عدد فلم کریں۔ لیکن یہ تمنا کتنوں کی پوری ہوتی ہے الگ بات ہے۔ ایسی تمنا شاہ رخ خان کی بہت بڑی فین شریا بلگاو¿نکرکی پوری ہونے والی ہے۔ کیونکہ ہندی اور مراٹھی سنیما کے جانے مانے اداکار سچن پلگاو¿نکر کی بیٹی شریا پلگاو¿نکرشاہ رخ خان کے ساتھ فلم ’فین‘ سے بالی ووڈ میں ڈےبو کرنے والی ہیں۔ شریا پلگاو¿نکرسچن پلگاو¿نکر کی اکیلی اولاد ہیں۔سچن پلگاو¿نکر کو لوگ ان کی فلم شعلے سے زیادہ جانتے ہیں۔ حالانکہ اس میں انہوں نے چائلڈ آرٹسٹ کا کام کیا تھا۔ اس میں وہ نابینا امام صاحب کا رول انجام دینے والے اے ہنگل کے پوتے بنے تھے۔ اس رول میں سچن پلگاونکر کافی ہٹ ہو گئے تھے۔ چائلڈ آرٹسٹ کی حیثیت سے سچن پلگاو¿نکر نے قریب پندرہ فلموں میں کام کیا۔ ہیرو کے طور پر ’گیت گاتا چل ‘ان کی پہلی فلم تھی۔ ان کی بیوی سپریا پلگاونکر بھی مراٹھی فلموں کی مانی جانی ہیروئن ہیں۔ شریا پلگاونکرنے اپنے والد کے ذریعہ بنائی گئی مراٹھی فلم ’اینکتلی ایک‘ سے دو ہزار تیرہ میں فلمی دنیا میں ڈےبو کیا تھا۔ انہوں نے اپنا کیریئر شارٹ فلم ’پیٹنٹ سگنل‘ (۲۰۱۲) اور ’ڈرےس والا‘ (۲۰۱۳) سے شروع کیا تھا۔