سڈنی (نیوز ڈیسک) پائریٹس آف کیریبیئن کے پروموٹر کا کہنا ہے کہ جانی ڈیپ اور ان کی اہلیہ ایمبر ہرڈ کے بیچ کسی قسم کے اختلافات نہیں اور وہ شادی بچانے کیلئے امریکہ واپس نہیں گئے۔ جانی ڈیپ جو پائریٹس آف کیریبیئن کی شوٹنگ کیلئے آسٹریلیا میں موجود تھے، اچانک امریکہ واپس چلے گئے ہیں۔ اس بارے میں مقامی اخبار نے یہ خبر جاری کی تھی کہ ان کی ازدواجی زندگی داو¿ پر لگ چکی ہے اور ایمبر ہرڈ ان کے ساتھ خوش نہیں ہیں جس کی وجہ سے وہ بیگم کو راضی کرنے امریکہ واپس گئے ہیں۔ جانی ڈیپ کی ناکامی کی صورت میں چند ماہ قبل شروع ہونے والا ازدواجی سفر طلاق پر ختم ہوجائے گا۔ پروموٹر نے ان خبروں کو مسترد کیا ہے اور کہا ہے کہ شوٹنگ کا عمل جاری ہے۔ دوران شوٹنگ ہر اداکار ہر وقت موجود نہیں رہتا بلکہ شیڈول کے حساب سے اداکار آتے اور جاتے رہتے ہیں اس لئے اس خبر کی کوئی حیثیت نہیں ہے۔ جانی ڈیپ نے تین ماہ قبل ہی ایمبر ہرڈ سے شادی کی تھی۔