ممبئی(نیوز ڈیسک) این آرآئی کے ساتھ مار پیٹ کے معاملے میں بالی وڈ اداکار سیف علی خان مشکل میں پھستے نظر آ رہے ہیں. معاملے کو لے کر ایک مقامی میٹروپولیٹن مجسٹریٹ کورٹ نے اگلی تاریخ پر اداکار کو عدالت میں پیش ہونے کا آخری موقع دیا.اس سے پہلے 19 مارچ کو عدالت نے سیف کو عدالت میں حاضر ہونے کی ہدایت دی تھی کیونکہ پہلے گواہ اور شکایت کرنے والا اقبال شرما کو اداکار کے خلاف اپنا بیان درج کرانا تھا. اسی درمیان اداکار کے وکیل نے پیشی میں چھوٹ کی درخواست دائر کرتے ہوئے کہا تھا کہ سیف پیش نہیں ہوسکتے کیونکہ وہ ایک ایڈ کی شوٹنگ کے سلسلے میں بیرون ملک ہے.
سرکاری وکیل نے ان کی درخواست پر اعتراض ظاہر کرتے ہوئے سیف کے خلاف وارنٹ جاری کرنے کا مطالبہ کیا. اس پر 18 جون کو سماعت ہوگی. کورٹ نے کہا کہ اگر سیف اگلی بار نہیں آتے ہیں تو ان کے خلاف وارنٹ جاری کیا جا سکتا ہے.