ممبئی (نیوز ڈیسک)اداکارہ سنی لیون نے کہا ہے کہ اپنی فلم ”اک پہیلی لیلیٰ” میں پرفارم کئے گئے ڈھول گانے کا ایشوریہ رائے کی پرفارمنس سے ہرگز مقابلہ نہیں کرنا چاہتی۔ انہوں نے کہا کہ جب مجھے فلم میں اس گانے کے بارے میں بتایا گیا تو میں حقیقت میں بہت نروس ہو گئی تھی۔ انہوں نے کہا کہ مجھے ابھی تک نہیں معلوم کہ لوگ اس کے بارے میں کیا رائے دے رہے ہیں تاہم انہوں نے کہا کہ مجھے اس چیز سے سخت نفرت ہے کہ کوئی میری اور ایشوریہ رائے کی پرفارمنس کا آپس میں مقابلہ کرے۔ انہون نے کہا کہ جب آپ بالی ووڈ میں نئے نئے آئے ہو تو آپ ایشوریہ جیسے بڑے سٹارز کو دیکھتے ہو اور یہ سوچتے ہو کہ یہ لوگ کتنے ٹیلنٹڈ ہیں تاہم بعد میں آپکو پتہ چلتا ہے کہ نہیں آپ کے اندر بھی اتنی صلاحیتیں موجود ہیں کہ آپ خود کو انڈسٹری میں اپنے انداز سے منوا سکتے ہو۔ انہوں نے کہا کہ یہی میرے ساتھ ہوا ہے میرا اپنا ایک سٹائل ہے اور میں اسی کے مطابق اپنی پہچان بنانا چاہتی ہوں۔