ممبئی (نیوز ڈیسک) بالی وڈ اداکار سلمان خان کی پردہ سکرین پر کرشماتی شخصیت دکھائی دینے کا راز شائد اب عوام کے علم میں آچکا ہے۔ دراصل سلمان خان کی بھابھی اور اداکارہ ملائیکہ اروڑا نے ایک ٹی وی شو میں انکشاف کیا ہے کہ سلمان خان کی کھانے پینے کی عادات عام افراد سے بے حد مختلف ہیں۔ وہ جب طویل دورانئے کی شوٹنگ سے واپس آتے ہیں اور خود سے کچھ پکانے یا نوکروں کو جگانے کی ہمت نہیں پاتے تو فریج میں موجود کھانے پینے کی اشیاءکو فرائینگ پین میں ڈالتے ہیں۔ اس میں ڈھیر سارا مکھن اور اچار شامل کرتے ہیں اور اسے بھون کے کھا جاتے ہیں۔ ملائیکہ نے اس موقع پر اپنے بارے میں بتایا کہ انہیں کوکنگ نہیں آتی تھی تاہم شوہر ارباز خان نے اس معاملے میں ان کی بے حد مدد کی۔ ملائیکہ، بال وڈ ڈائریکٹر فرح کے کوکنگ شو فرح کی دعوت میں شریک تھیں جہاں انہوں نے ہنی گلیزڈ چکن لیگز پکائیں اور ساتھ ہی اپنے سسرال والوں کی کھانے پینے کی عادات کے بارے میں بھی دلچسپ انکشاف کئے۔