لاہور (آن لائن)سمارٹ فونز خریدنے کے خواہشمند افراد کیلئے خوشخبری، انووی ٹیکنالوجی کی جانب سے سونی ایکسپیریا کے نئے 6 جدید سمارٹ فونز پاکستان میں متعارف کرا دیئے گئے۔ مقامی ہوٹل میں منعقدہ انووی ٹیکنالوجی کے تعاون سے سونی ایکسپیریا سمارٹ فونز کی لانچنگ تقریب کا انعقاد ہوا، رنگا رنگ لانچنگ تقریب میں سونی ایکسپیریا موبائلز پاکستان کے سی او او ذیشان میاں نور، کمپنی ہیڈ اوزاکی سن، سونی کے وائس پریذیڈنٹ مائیکل اور شوبز سے تعلق رکھنے والی شخصیات نے شرکت کی۔ تقریب میں سونی کمپنی کی جانب سے اپنے ڈسٹری بیوٹرز کو بھی

مدعو کیا گیا تھا، تقریب کے آغاز میں سونی کی جانب سے جدید اور منفرد اقسام کے چھ نئے سمارٹ فونز ماڈل متعارف کرائے گئے اور ان کی خصوصیات کے بارے میں بتایا گیا۔اس موقع پر کمپنی کے سی ای او ذیشان میاں نور کا کہنا تھا کہ سونی کی پروڈکٹس گزشتہ ستر سالوں سے پاکستان میں اپنا ایک مقام رکھتی ہیں، متعارف کرائے جانے والے تمام فونز کسٹمرز کے لیے جدید ایل ٹی ای ٹیکنالوجی اور وارنٹی کے ساتھ دستیاب ہونگے، یہ سمارٹ فونز پانی کے اندر سیلفی لینے اور ڈسٹ پروف ہونگے۔معروف گلوکارہ عینی خالد نے اپنی پرفامنس سے حاضرین کو خوب محظوظ کیا۔