اسلام آباد(نیوز ڈیسک)اگر تو آپ فیس بک پر ویڈیوز دیکھنے کے عادی ہیں مگر اس کی وجہ سے نیوز فیڈ کو کھنگالنے کے لیے وقت نہیں تو آپ کے لیے سماجی رابطے کی اس ویب سائٹ نے ایک بہترین فیچر متعارف کرا دیا ہے۔فیس بک نے اپنی ویڈیوز کی تشہیر کے لیے ایک نئے فیچر کو آزمائشی بنیادوں پر محدود پیمانے پر متعارف کرایا ہے جس کے تحت آپ ویڈیوز کو نیوز فیڈ پر اسکرول کرتے ہوئے بھی دیکھ سکتے ہیں۔ اس فیچر کے تحت ویڈیو کا ایک چھوٹا ورڑن آپ کے نیوز فیڈ پر ماس اسکرول کرنے کے ساتھ ساتھ نیچے چلتا جائے گا۔ فی الحال تو یہ فیچر کچھ صارفین کے پاس ہی ظاہر ہونا شروع ہوا ہے اور یہ کام بھی اسی وقت کرتا ہے جب آپ اس کی سیٹنگ کو آن کردیں۔ جب یہ فیچر آپ کے پاس دستیاب ہوگا تو اس کو ان ایبل کرنے کے لیے آپ کو نیچے دی گئی تصویر میں ایچ ڈی کے برابر میں اسکرین جیسے آپشن کو پر کلک کرنا ہوگا۔