اسلام آباد (این این آئی)پاکستان تحریکِ انصاف کے ترجمان شعیب شاہین نے کہا ہے کہ انتخابات کے لیے ٹکٹوں کی تقسیم کا مرحلہ جلد شروع کیا جائے گا۔ایک انٹرویومیں شعیب شاہین نے کہا کہ پاکستان بھر سے اپنے امیدوار کھڑے کریں گے، الیکشن شیڈول کے اعلان سے قبل ہی ٹکٹوں کاعمل مکمل ہو جائے گا۔
انہوں نے کہاکہ پاکستان بھر سے ہمارے پاس امیدواروں کی بڑی تعداد ہے، کور کمیٹی کام کر رہی ہے، پی ٹی آئی انتخابات کی بھرپور تیاری کر رہی ہے۔ شعیب شاہین نے کہا کہ پریشانیاں پیدا کرنے والوں کو ناکامی کا سامنا کرنا پڑے گا۔
