اسلام آباد (این این آئی)پی ٹی آئی کے 4 کارکنان رہائی کے بعد اڈیالہ جیل کے باہر سے دوبارہ گرفتار کرلئے گئے ، گرفتار ہونے والے کارکنان کو پنجاب پولیس نامعلوم مقام کی جانب لے گئی۔ میڈیا رپورٹ کے مطابق پی ٹی آئی کے 4 کارکنان رہائی کے بعد اڈیالہ جیل کے باہر سے دوبارہ گرفتار کر لیا گیا ،تبسم عباسی، خواجہ محمد قاسم،عاصم فدا اور سیف اللہ شامل پر 9 مئی کے پرتشدد مظاہروں میں ملوث ہونے کا الزام ہے ، گرفتار ہونے والے کارکنان کو پنجاب پولیس نامعلوم مقام کی جانب لے گئی، کارکنان کے خلاف تھانہ نیو ٹاون اور تھانہ سول لائن میں مقدمات درج ہیں۔