راولپنڈی(این این آئی)سابق وزیر خارجہ اور پی ٹی آئی رہنما شاہ محمود کی جیل میں طبیعت خراب ہوگئی جس پر انہیں جیل سے ہسپتال منتقل کیا گیا ہے۔ ذرائع کے مطابق جیل حکام نے شاہ محمود کو فوری ہسپتال منتقل کرنے کی اجازت دی جس پر انہیں پمز ہسپتال منتقل کیا گیا ہے۔
ذرائع کے مطابق پمز ہسپتال میں شاہ محمود قریشی کے ضروری ٹیسٹ کیے جائیں گے جن کو دیکھتے ہوئے انہیں ہسپتال میں مزید رکھنے سے متعلق فیصلہ کیا جائے گا۔
جیل انتظامیہ کی درخواست کے مطابق راولپنڈی اڈیالہ جیل میں وزٹنگ ڈاکٹر نے شاہ محمود قریشی کا طبی معائنہ کیا ذرائع کے مطابق شاہ محمود قریشی کو پتے میں تکلیف ہوئی ۔واضح رہے کہ سائفر کیس میں چیئرمین پی ٹی آئی عمران خان اور شاہ محمود قریشی پر خصوصی عدالت فرد جرم عائد کرچکی ہے۔
