کراچی(این این آئی)کورنگی ڈھائی نمبر سے 13سالہ لڑکی کی لاش کے ابتدائی طبی معائنے میں زیادتی اور تشدد کا انکشاف سامنے آیا ، بچی کے جسم پرتشدد،جلائے جانے کے نشانات موجود ہیں۔تفصیلات کے مطابق کراچی کے علاقے کورنگی ڈھائی نمبر سے 13سالہ لڑکی کی لاش ملنے کے واقعے پر جناح اسپتال میں لاش کے ابتدائی طبی معائنے میں ہوشربا انکشافات سامنے آگئے۔
ابتدائی طبی معائنے کے میں لڑکی سے زیادتی اور تشدد کا انکشاف سامنے آیا ، بچی کے جسم پرتشدد اور جلائے جانے کے نشانات موجود اور بچی سے زیادتی کے شواہد بھی ملے ہیں۔
پولیس حکام کے مطابق بچی کے ورثا نے معاملے کو چھپانے کی کوشش کی ہے تاہم پوسٹمارٹم کے بعد مزید قانونی کاروائی عمل میں لائی جائے گی۔حکام کے مطابق ڈاکٹر اور لواحقین کے بیان میں فرق سامنے آیا ہے تاہم بچی کا پوسٹمارٹم کروایا جائے گا اور معاملے کی شفاف تحقیقات کی جائیں گی۔پولیس حکام کے مطابق کراچی کے علاقے کورنگی ڈھائی نمبر سے 13 سالہ لڑکی لاش کا جناح اسپتال میں پوسٹمارٹم جاری ہے، جس کے بعد موت کی اصل وجہ کا تعین ہوسکے گا۔
