اسلام آباد (این این آئی)وزیر دفاع خواجہ آصف نے کہا ہے کہ ججز پہلے اپنے اندر اتحاد کیلئے مذاکرات کریں، سارا رولا ستمبر کا ہے سمجھ آئی جی؟ایک انٹرویو کے دور ان اینکر پرسن میزبان نے سوال کیا کہ عمران خان چاہتے ہیں کہ چیف جسٹس عمر عطا بندیال کی ستمبر میں ریٹائرمنٹ سے پہلے الیکشن ہوجائیں؟ خواجہ آصف صاحب آپ چاہتے ہیں، اْن کی ریٹائرمنٹ کے بعد الیکشن ہوں؟

اس پر وزیر دفاع نے جواب دیا کہ ہم یہ نہیں چاہتے کہ ان کی ریٹامنٹ کے بعد ہوں، ہم تو چاہتے ہیں کہ وقت پر ہوں۔اینکرپرسن نے استفسار کیا کہ اس کا مطلب ہے آپ کہہ رہے ہیں ستمبر 2023ء سے پہلے الیکشن نہ ہوں؟ مذاکرات کا کھیل سیاستدان کرتے رہتے ہیں، عمران خان سے مذاکرات بے سود ہیں۔انہوں نے کہا کہ ہم تو کہتے ہیں وقت پر الیکشن ہوں اکتوبر میں، سارے اکٹھے، ہمیں مذاکرات کا کہنے والے ججز خود تقسیم کا شکار ہیں، ججز پہلے اپنے اندر اتحاد کے لیے مذاکرات کریں۔

موضوعات:خواجہ آصف