کوئٹہ(آن لائن)وزیراعلیٰ بلوچستان اور اسپیکر قدوس بزنجو کے درمیان جاری تنازعہ کو ختم کرنے کے لئے چیئرمین سینیٹ میر صادق سنجرانی اور پاکستان تحریک انصاف کے وفاقی وزیر پرویز خٹک اوردیگر مرکزی قیادت کا میڑھ قدوس بزنجو کے گھر اسلام آباد میں لے کر پہنچ گئے اسپیکر بلوچستان اسمبلی میر عبدالقدوس بزنجو نے میڑھ قبول کر تے ہوئے اپنے تحفظات سے آگاہ کر دیا ذرائع کے مطابق گزشتہ روز وزیراعلیٰ بلوچستان میر جام کمال خان اور اسپیکر بلوچستان اسمبلی قدوس بزنجو کے درمیان پچھلے کئی دنوں سے جاری سیاسی تنازعہ کو ختم کرنے کے لئے چیئرمین سینیٹ اور بلوچستان عوامی پارٹی
کے مرکزی رہنماء میر صادق سنجرانی، پاکستان تحریک انصاف کے وفاقی وزیر اور دیگر مرکزی قیادت کا میڑھ اسلام آباد میں اسپیکر بلوچستان اسمبلی کے گھر میں میڑھ کر پہنچ گئے اس موقع پر اسپیکر بلوچستان اسمبلی قدوس بزنجو نے میڑھ کے اراکین کو اپنے تحفظات سے آگاہ کر دیا آئندہ دو روز میں چیئرمین سینیٹ صادق سنجرانی اور پاکستان تحریک انصاف کے مرکزی قیادت وزیراعلیٰ بلوچستان سے ملاقات کرنے کے لئے کوئٹہ پہنچیں گے ذرائع نے یہ بھی بتایا اسپیکر بلوچستان اسمبلی قدوس بزنجو کے تحفظات دور کرنے کے لئے ایک کمیٹی تشکیل دی جائے گی جو بلوچستان عوامی پارٹی کے اراکین اسمبلی سے ملاقات کر کے اس حوالے سے بات چیت کرینگے۔