سرینگر(این این آئی)مقبوضہ کشمیر میں سابق کٹھ پتلی وزیر اعلی ٰ محبوبہ مفتی نے کہا ہے کہ مسئلہ کشمیر کا حل تلاش کرنے کیلئے کرتا ر پور جیسے اقدامات وقت کی اہم ضرورت ہے۔کشمیرمیڈیا سروس کے مطابق محبوبہ مفتی نے سرینگر میں ایک بیان میں کہا کہ خون خرابے اورتشدد کے بجائے کشمیر

مسئلے کو کر تار پور جیسے اقدامات سے حل کیا جاسکتا ہے۔انہوں نے کہا کہ جموں وکشمیر کے مسئلے کو حل کرنے کیلئے دلیرانہ ،ایماندارانہ اور انسانیت پر مبنی اقدامات اٹھانا ناگزیر ہیں۔انہوں نے کہاکہ دونوں ممالک کے درمیان بہتر اور دوستانہ تعلقات جموں وکشمیر کے ساتھ ساتھ دونوں ممالک کے مفاد میں ہیں۔

موضوعات:محبوبہ مفتی