اسلام آباد (مانیٹرنگ ڈیسک) خواتین کے ساتھ جنسی زیادتی اور جبری مشقت کے واقعات ،بھارت سب سے خطرناک ملک قرار ، افغانستان دوسرے جبکہ پاکستان ٹاپ 6شامل۔تفصیلات کے مطابق عالمی ماہرین کی رائے پر مشتمل تھومپسن رائٹرز فاونڈیشن کے سروے میں جنسی تشدد، ہراسانی، ذہنی اور گھریلو تشدد سمیت خواتین کو درپیش مختلف قسم کے خطرات میں بھارت نمبر ون قرار پایا ہے

جبکہ افغانستان کا دوسرا، شام تیسرا، صومالیہ چوتھا اور پاکستان چھٹے ہے جبکہ مغربی ممالک میں امریکا واحد ملک ہے جو ٹاپ ٹین ممالک میں شامل ہے۔ماہرین کا کہناتھاکہ فہرست میں پہلا نمبر ظاہر کرتا ہے کہ بھارت میں خواتین کے تحفظ کے لیے خاطر خواہ اقدامات نہیں کیے جارہے۔ماہرین نے مزید کہا کہ اس سروے کی ضرورت می ٹو مہم کے بعد محسوس کی گئی ہے۔