کراچی (مانیٹرنگ ڈیسک)تحریک انصاف کے چیئرمین عمران خان کے قریبی ساتھی اور پاکستانی معروف اداکارہ حمزہ علی عباسی پر عامر لیاقت بھڑک اٹھے ۔ سوشل میڈیا کی ویب سائٹ ٹویٹر پر حمزہ علی عباسی نے حدیث نبویؐ شیئر کی ۔ ”اللہ تعالیٰ کے پیغمبر ﷺنے فرما یاآخری زمانے میں ایسے لوگ بھی آئیں گے جو اسلام کو دنیا وی معاملات کے لیے دھوکہ دہی سے استعمال کریں گے اور لوگوں کے درمیان بھیڑ کی چمڑی پہنے ہوئے ظاہر ہوں گے تاکہ اپنی عاجزی ظاہر کر سکیں ۔
ان کی زبان چینی سے زیادہ میٹھی ہو گی لیکن ان کے دل بھیڑیوں جیسے ہوں گے،ترمذی شریف “۔ اس پیغام کے سوشل میڈیا پرآتے ہی تحریک انصاف کے رہنما و معروف اینکر پرسن عامر لیاقت نے حمزہ عباسی کو آڑے ہاتھوں لیتے ہوئے پیغام جاری کیا کہ کسی حدیث کا حوالہ نہ دو اور ا س کیساتھ مت کھیلو۔ معروف اینکر پرسن نے حمزہ علی عباسی کو مخاطب کرتے ہوئے کہا ہے کہ تم چینل میں قابل نفرت چہرہ اور نشے کی لت میں ملوث ہو ، تمہارے لیے یہی بہتر ہے کہ تم اپنی اداکاری کرو ، ورنہ میں تمہیں بتا دوں گا کہ تم کیا ہو ، تم کس کی عبادت کرتے ہو، اب دفع ہو جائو۔
