اسلام آباد (مانیٹرنگ ڈیسک) تحریک انصاف کے چیئرمین عمران خان نے ایک نجی ٹی وی چینل کے پروگرام میں شاہ محمود قریشی اور جہانگیر ترین کے درمیان ہونے والی پارٹی اجلاس میں نوک جھونک پر کہا کہ ہر سیاسی پارٹی میں لڑائیاں ہوتی رہتی ہیں، ن لیگ اور پیپلز پارٹی میں بھی لڑائیاں ہوتی رہتی ہیں اور اسی وجہ سے پی پی

نے ناہید خان کو پارٹی سے نکال دیا تھا، پروگرام میں انہوں نے کہا کہ شاہ محمود قریشی اور جہانگیر ترین اگر ٹی وی پر آ کر اختلافات سے متعلق بات کرتے ہیں تو یہ بہت امیچیور ہوا ہے اور میں اس کی مذمت کرتا ہوں، انہوں نے کہا کہ میں اور میری پارٹی اس سے مایوس ہے لیکن یہ کوئی بڑا مسئلہ نہیں ہے جلد ہی حل ہو جائے گا۔