لاہور (مانیٹرنگ ڈیسک) ناراض لیگی رہنما زعیم قادری نے پریس کانفرنس میں آزاد الیکشن لڑنے کا اعلان کر دیا، پریس کانفرنس کے دوران ’’گونواز گو‘‘ کے نعرے لگ گئے ، اس موقع پر ناراض لیگی رہنماؤں نے کارکنوں کو روکنے کی کوشش نہیں کی بلکہ پریس کانفرنس میں مصروف رہے ۔ جب مسلم لیگ ن کے منحرف رہنما زعیم قادری پریس کانفرنس کر رہے تھے تو ان کی پریس کانفرنس میں موجود ان کے بعض حامی کارکنوں نے گونواز گو کے نعرے لگانا شروع کردیے

لیکن زعیم قادری نے کارکنوں کو گونواز گو کا نعرہ لگانے سے نہیں روکا بلکہ انہوں نے اپنی پریس کانفرنس جاری رکھی، واضح رہے کہ اس سے قبل سینئر لیگی رہنما چودھری نثار کے جلسے میں بھی گونواز گو کے نعرے لگ گئے تھے ایسا اس وقت ہوا تھا جب چودھری نثار ایک جلسہ کے دوران مریم نواز اور نواز شریف پر تنقید کر رہے تھے لیکن اس وقت چودھری نثار نے یہ کہہ کر کہ ابھی اس کا وقت نہیں ہے کارکنوں کو نعرے لگانے سے روک دیا تھا۔