فیروزہ(آئی این پی )چولستان میں ایک ہی خاندان کے چودہ افراد نے اسلام کی حقانیت سے متاثر ہو کردائرہ اسلام میں داخل ہو گئے ،چولستان کے چک نمبر 177/7Rکے رہائشی ہندوخاندان نے گزشتہ شب اسلام قبول کر لیا،اور پیرزادہ میاں راشد سائیں اورمولانا محمدعمران سعیدی کے ہاتھ پر کلمہ طیبہ پڑھ کر دائرہ اسلام میں داخل ہو گئے ،تفصیل کے مطابق چولستان کے ایک ہی خاندان نے اسلام قبول کیا ہے جس میں چودہ مردوخواتین شامل ہیں،
جن کے اسلامی نام رکھے گئے ہیں،بلال رام کاا سلامی نام محمدبلال عمر 35سال اس کی بیوی خانو مائی کااسلامی نام زینب بی بی رکھا گیا ہے جبکہ اس کے بچوں سیفل رام سے مھمدسیف اللہ عمر 7سال بیٹی راشومائی سے زہرہ بی بی عمر 5سال رکھا گیا ہے اس طرھ محمدبلال کے چھوٹے بھائی کالورام کااسلامی نام محمدیوسف رکھا گیا ہے جس کی عمر 32سال ہے ،اس کی بیوی رحمتومائی کااسلامی نام صغریٰ بی بی رکھا گیا ہے ،اس کے بیٹے پون رام عمر 6سال کا اسلامی نام محمدیونس جبکہ دوسرئے بیٹے میلورام کا اسلامی نام محمداکبررکھا گیا ہے جس کی عمر 5سال ہے ،نومسلم محمدبلال کے تیسرے بھائی دلبررام کااسلامی نام محمدعلی رکھا گیا ہے اس کی عمر 20 سال ہے اوروہ غیرشادی شدہ ہے ،محمدبلال کی والدہ راجاں مائی کااسلامی نام حلیمہ بی بی رکھا گیا ہے جن کی عمر 70سال کے قریب ہے ،نومسلم محمدلال کی ہمشیرہ گڈومائی کااسلامی نام نام صائمہ بی بی رکھا گیا ہے جس کی عمر 15سال اوروہ غیر شادی شدہ ہے ،نومسلم محمدبلال کی بھتیجی بچومائی کااسلامی نام ساجدہ بی بی رکھا گیا ہے جس کی عمر 17سال ہے اور اس کا والد محمدابراہیم کچھ عرسہ قبل ہی دائرہ اسلام میں داخل ہوا ہے ،محمدبلال کے کزن سوجھل رام کااسلامی نام محمدایوب رکھا گیا ہے جس کی عمر 12سال کے قریب ہے ،جبکہ روشن رام کا اسلامی نام محمدقاسم رکھا گیا ہے جس کی عمر 11سال ہے ،اس موقع پر مقامی مدرسہ میں نومسلم خاندان کے
اعزازمیں افطاری کا اہتمام کیا گیا جس میں علماکرام سمیت پیپلزپارٹی کے چولستان صوبائی حلقہ 257سے امیدوار چوہدری جہان زیب رشید ،مسلم لیگ ن کے چیئرمین یونین کونسل چک نمبر178/7Rمہرعبداللطیف ،تحریک انصاف کے رہنما مہر سیف اللہ سمیت دیگرمعززین غلام نازک مہر نمبردار ،فخرجہاں ،مہر مصطفی ۔مہر رب نواز،مہراسلم ،جلال احمد،عبدالخالق، قمر دین، مہر دین ڈتہ ،دلشاد مہر، جان محمد، اکبرمہر، محمدل یاقت ۔منیراحمد و دیگر موجود تھے ۔
