لاہور(نیوز ڈیسک) مسلم لیگ (ن) کے رہنما رانا ثنااللہ خان نے کہا ہے کہ فواد حسن فواد کی گرفتاری انتقامی کارروائی ہے اس سے ملک میں کسی کو فائدہ نہیں ہو گا،اور یہ نیب کی طرف سے جانبدارانہ کارروائی ہے ۔سابق وزیراعظم نواز شریف کے پرسنل سیکرٹری فواد حسن فواد کی گرفتاری پر رد عمل دیتے ہوئے مسلم لیگ (ن)کے رہنما رانا ثنااللہ کا کہنا تھا کہ آشیانہ ہاوسنگ سکیم سکینڈل میں
کچھ بھی نہیں ہے اور یہ صرف من گھرٹ کہا نی ہے جس کا نہ سر ہے نہ پیر،اور فواد حسن فواد کی گرفتاری نیب کی جانب سے جانبدارانہ اورانتقامی کارروائی ہے اس سے ملک میں کسی کو فائدہ نہیں ہو گا۔ان کامزید کہنا تھا کہ احد چیمہ کی گرفتاری پر بھی عمران خان کا کہنا تھا کہ طوطا پکڑا گیا ہے اب وہ بولے گا تو اس قسم کی حرکات کسی کے بھی حق میں نہیں ،عام انتخابات کو متنازعہ نہ کیا جائے۔
