اسلام آباد(مانیٹرنگ ڈیسک)تحریک انصاف کی جانب سے نگران وزیراعلیٰ پنجاب کے نام پر کئی یوٹرن سامنے آنے کے بعد شہباز شریف کو بھی بڑا جھٹکا مل گیا، سابق ڈی جی آئی بی آفتاب سلطان نے نگران وزیراعلیٰ پنجاب بننے سے معذرت کر لی۔ تفصیلات کے مطابق تحریک انصاف کی جانب سے نگران وزیراعلیٰ پنجاب کے نام پر کئی یوٹرن سامنے آچکے ہیں جبکہ مسلم لیگ ن بھی نگران وزیراعلیٰ پنجاب کیلئے چار نام تجویز کئے ہیں جن میں سابق ڈی جی آئی بی آفتاب سلطان،جسٹس (ر) سائر علی ،
سابق نیول چیف ذکاءاللہ، سابق آئی جی طارق سلیم ڈوگرشامل ہیں تاہم شہباز شریف کی جانب سے دئیے گئے ناموں میں سے سابق ڈی جی آئی بی آفتاب سلطان نے نگران وزیراعلیٰ پنجاب بننے سے معذرت کر لی ہے۔ خیال رہے کہ سابق ڈی جی آئی بی آفتاب سلطان ن لیگ کے دور حکومت میں مدت ملازمت میں تین بار توسیع لے چکے ہیں ۔ تحریک انصاف کی جانب سے اس سے قبل دوران ملازمت سابق ڈی جی آئی بی آفتاب سلطان پر شریف خاندان کے مخالفین کے ٹیلیفون ٹیپ کرنے کے الزامات بھی لگائے جاتے رہے ہیں۔
