اسلام آباد(مانیٹرنگ ڈیسک) اصغر خان کیس میں کابینہ اجلاس نہ بلانے پرچیف جسٹس کا اظہار برہمی ، یہ اتنا سنجیدہ معاملہ ہے اور حکومت کو کوئی فکر ہی نہیں ہےتفصیلات کے مطابق چیف جسٹس میاں ثاقب نثار نےاصغر خان کیس میں کابینہ اجلاس نہ بلانے پر حکومت کو آج شام تک کی مہلت دے دی ہے۔ دوران سماعت سخت ریمارکس دیتے ہوئے چیف جسٹس کا کہنا تھا کہ یہ اتنا سنجیدہ معاملہ ہے اور حکومت کو کوئی فکر ہی نہیں ہے۔چیف جسٹس ثاقب نثار کی سربراہی میں سپریم کورٹ کے خصوصی بینچ نے لاہور رجسٹری

میں اصغر خان کیس فیصلہ پر عملدرآمد کیس کی سماعت کی۔چیف جسٹس نے استفسار کیا کہ کابینہ نے اصغرخان کیس سے متعلق اب تک کوئی فیصلہ کیوں نہیں کیا۔جس کے بعد وفاقی حکومت کے وکیل نے عدالت سے استدعا کی کہ کابینہ کا اجلاس بلانے کی مہلت دی جائے۔جس کے بعد چیف جسٹس نے ریمارکس دئیے کہ یہ اتنا سنجیدہ مسئلہ ہے اور حکومت کو کوئی فکر نہیں ہے۔جسٹس ثاقب نثار نے اصغر خان کیس سے متعلق آج شام تک کابینہ کا اجلاس بلاکر فیصلہ کرنے کا حکم دیتے ہوئے کہا کہ آج ہی اس فیصلے سے آگاہ کیا جائے۔