اسلام آباد(مانیٹرنگ ڈیسک)گاڑیوں کی رجسٹریشن بک ختم، محکمہ ایکسائز نے آٹو میٹڈ رجسٹریشن کارڈ کا خاکہ جاری کردیا۔ تفصیلات کے مطابق محکمہ ایکسائز نے مارچ 2018کے پہلے ہفتے میں گاڑیوں کی رجسٹریشن بک ختم کر کے ان کی جگہ سمارٹ آٹومیٹڈ رجسٹریشن کارڈ شروع کرنے کا اعلان کیا ہے۔ یہ کارڈ سکیورٹی فیچرز پر مشتمل ہو گا جس میں گلابی رنگ نمایاں ہو گا۔ اس حوالے
سے محکمہ ایکسائز نے کارڈ کا خاکہ جاری کر دیا ہے ۔ کارڈ کے سامنے والے حصہ میں نام، پتہ ، موبائل فون نمبر سمیت گاڑی کی معلومات درج ہونگی جبکہ اس کی پشت پر گاڑی کا رنگ، سال، کمپنی کا نام، چیسز نمبر ، انجن نمبر سمیت دیگر معلومات درج ہونگی۔کارڈ کا سائز شناختی کارڈ کے برابر رکھا گیا ہے ۔ معلومات کی سکیننگ کیلئے کارڈ میں بار کوڈ اس کی پشت پر نمایاں کیا گیا ہے ۔
