لاہور (این این آئی ) شاہدرہ ٹاؤن میں خاتون کے معاملے پرایک شخص کو قتل کر دیا گیا جبکہ ملزم نے خود کو فائر مار کر اپنی زندگی کا بھی خاتمہ کر لیا ،پولیس نے لاشوں کو پوسٹمارٹم کیلئے ہسپتال منتقل کر کے تحقیقات کا آغاز کر دیا ۔ پولیس کے مطابق سلمان نامی شخص اصغر کا کرایہ دار تھا ۔ مبینہ طو رپر اصغر کے سلمان کی بیوی کے ساتھ تعلقات قائم ہو گئے جس پر اسے منع بھی کیا گیا لیکن وہ باز نہ آیا ۔ گزشتہ روز سلمان نے
اصغر کو فائرنگ کر کے قتل کر نے کے بعد کچھ دور جا کر خود کو بھی گولی مارلی جس سے وہ بھی موقع پر دم توڑ گیا ۔ اطلاع ملنے پر پولیس موقع پر پہنچ گئی جس نے ضروری شواہد اکٹھے کرنے کے بعد لاشوں کو پوسٹمارٹم کے لئے ہسپتال منتقل کر کے تحقیقات کا آغاز کردیا ۔
