لاہور( این این آئی) کاؤنٹر ٹیرر ازم ڈیپارٹمنٹ نے ہربنس پورہ میں کامیاب کارروائی کرکے دو مبینہ دہشتگردوں کو گرفتار کر کے ہینڈ گرینیڈ اور اسلحہ برآمد کر لیا ۔ سی ٹی ڈی ذرائع کے مطابق ایک خفیہ اطلاع پر ہربنس پورہ میں پھاٹک کے قریب کارروائی کی گئی جہاں سے مبینہ طو رپر جماعت الاحرار سے تعلق رکھنے والے دو دہشتگردوں کو گرفتار کر کے ان کے قبضے سے ہینڈ گرینیڈ اور دیگر اسلحہ بھی برآمد کر لیا ۔
ذرائع کے مطابق دہشتگردوں نے شہر میں دہشتگردی کا بڑا منصوبہ بنا رکھا تھا جسے ناکام بنا دیا گیا ۔ گرفتار دہشتگردوں کو مزید معلومات کے لئے نا معلوم مقام پر منتقل کر دیا گیا۔
