اسلام آباد(مانیٹرنگ ڈیسک)شاہ محمودقریشی کے صاحبزادے کے دعوت ولیمہ میں عمران خان اور جاوید ہاشمی کا آمنا سامنا ، چیئرمین تحریک انصاف تقریب ادھوری چھوڑ کر پنڈال سے روانہ ہو گئے۔ تفصیلات کے مطابق
تحریک انصاف کے وائس چیئرمین شاہ محمود قریشی کے بیٹے کی دعوت ولیمہ میں اس وقت شدید تنائو دیکھا گیا جب 2013کے دھرنے کے بعد اچانک عمران خان اور جاوید ہاشمی آمنے سامنے آگئے ۔ دونوں کے آمنے سامنے آنے پر کپتان کا ردعمل شدید تھا اور وہ تقریب ادھوری چھوڑ کر پنڈال سے روانہ ہو گئے جبکہ میڈیا رپورٹس کے مطابق عمران خا ن نے دعوت ولیمہ میں کھانا بھی نہیں کھایا، کپتان نے ملتان میں واقع جہانگیر ترین کی رہائش گاہ پر جا کر تناول کیا۔ شاہ محمود قریشی کے بیٹے کی دعوت ولیمہ کیلئے ملتان میں زکریا یونیورسٹی کے گرائونڈ میں انتظامات کئے گئے تھے جس میں سیاسی شخصیات نے کثیرتعداد میں شرکت کی۔ان خان اور جہانگیر ترین علیم خان کے ہمراہ خصوصی طیارے سے اسلام آباد سے ملتان اڑھائی بجے پہنچے ائیر پورٹ پر ایم این اے ملک عامر ڈوگر نے اپنے ساتھیوں کے ہمراہ ان کا استقبال کیا اور انہیں بھاری سیکیورٹی میں پنڈال میں لایا گیا جیسے ہی عمران خان پنڈال میںپہنچے تو شرکاء نے ان کا شاندار استقبال کیا اور ان کے نعرے لگائے اس موقع پر نوجوانوں کی بڑی تعداد نے عمران خان کے ساتھ سیلفیاں بھی بنائیں۔
