اسلام آباد (آئی این پی) سربراہ عوامی مسلم لیگ شیخ رشید احمد نے کہا کہ پانچ ججز نے جن کو نااہل قرار دیا وہ پارٹی سربراہ بن گئے‘ نواز شریف ریاض میں بیٹھے ہوئے ہیں‘ شاہ سلمان کی جانب سے ان کو ابھی تک اندر آنے کی اجازت نہیں ملی۔ پیر کو شیخ رشید نے سپریم کورٹ کے باہر میڈیا سے گفتگو کرتے ہوئے کہا کہ پانچ ججز نے جن کو نااہل قرار دیا وہ پارٹی سربراہ بن گئے۔ نواز شریف ریاض میں بیٹھے ہوئے ہیں۔

شاہ سلمان کی جانب سے ان کو ابھی تک اندر آنے کی اجازت نہیں ملی۔ کوئی این آر او نہیں ہورہا وقت آگیا ہے کہ ہمیں اسمبلیوں سے استعفے دینے چاہئیں۔ ہمیں چوک چوراہوں پر آنا چاہئے۔ ‎ عوامی مسلم لیگ کے سربراہ شیخ رشید  نے کہا  ہے کہ شریف برادران سارا عرب گھوم لیں پھر بھی این آر او نہیں ہوگا، میری طرف سے اے پی سی کامیاب ہوگئی اب باقی لوگوں کا پتا نہیں،حدیبیہ اور ایل این جی کا کیس میری  طرف سے لطیف کھوسہ لڑیں گے۔ پیر کو سپریم کورٹ کے باہر میڈیا سے گفتگو کرتے ہوئے شیخ رشید نے پاکستان عوامی تحریک کی آل پارٹیز کانفرنس کو کامیاب قرار دیا۔انہوں نے کہا کہ میری طرف سے اے پی سی کامیاب ہوگئی اب باقی لوگوں کا پتا نہیں۔عوامی لیگ کے سربراہ نے بتایا کہ حدیبیہ اور ایل این جی کا کیس ان کی طرف سے لطیف کھوسہ لڑیں گے، انہوں نے اے پی سی کے دوران مفت میں کیس لڑنے کا وعدہ کیا۔شیخ رشید نے کہا  کہ وقت آگیا، ہمیں استعفے دے کر سڑکوں پر نکلنا چاہیے، چوروں لٹیروں کو پکڑنا ہوگا، ہمیں ان چوروں کو ملک سے بھگانا چاہیے۔انہوں نے شریف برادران کو تنقید کا نشانہ بناتے ہوئے کہا کہ ساری عرب دنیا، مشرقی وسطی گھوم آئیں لیکن این آر او نہیں ہوگا، یہ لوگ  ادھر  بیٹھے ہیں لیکن اب تک سعودی کنگ عبداللہ نے بارآوری کی درخواست قبول نہیں کی۔عوامی لیگ کے سربراہ  نے کہا کہ  میں وزیر اطلاعات رہا ہوں میرے ذرائع ہیں، میں نے ریاض سے معلوم کیا ہے