اسلام آباد (مانیٹرنگ ڈیسک) پاکستان کے سابق وزیراعظم شوکت عزیز کے بیٹے عابد عزیز جو کہ کینسر کے مرض میں مبتلا تھے لندن میں انتقال کر گئے ہیں، تفصیلات کے مطابق میڈیا ذرائع کا کہنا ہے کہ سابق وزیراعظم شوکت عزیز کے بیٹے عابد عزیز کافی عرصے سے کینسر کے مرض میں مبتلا تھے، عابد عزیز بیماری کی وجہ سے رائل فری

ہسپتال پونڈ اسٹریٹ میں زیر علاج تھے، لیکن ان کا مرض زیادہ بگڑ گیا تھا جس کے باعث وہ جانبر نہ ہو سکے اور انتقال کر گئے۔سابق صدر جنرل (ر) پرویز مشرف کے دور میں شوکت عزیز پاکستان کے وزیراعظم رہے اور وزارتِ عظمیٰ کا عہدے چھوڑنے کے بعد وہ لندن میں ہی مقیم تھے جہاں ان کے بیٹے عابد عزیز کا انتقال ہو گیا ہے۔