اسلام آباد (نیوز ڈیسک)آل پاکستان جیمز اینڈ جیولرز صرافہ ایسوسی ایشن کے مطابق سونے کی فی تولہ قیمت میں 1800 روپے کی کمی ریکارڈ کی گئی،

جس کے بعد نیا نرخ 4 لاکھ 53 ہزار 936 روپے ہوگیا۔اسی طرح 10 گرام سونے کی قیمت بھی 1544 روپے کم ہوئی، جس کے بعد یہ 3 لاکھ 89 ہزار 176 روپے میں فروخت ہو رہا ہے۔عالمی مارکیٹ میں بھی سونے کی قیمت میں کمی دیکھی گئی۔ بین الاقوامی سطح پر فی اونس سونا 18 ڈالر کمی کے بعد 4 ہزار 314 ڈالر کی سطح پر آگیا، جس کے اثرات پاکستانی صرافہ بازار میں بھی نظر آئے۔دوسری جانب چاندی کے نرخ بھی نیچے آگئے۔ مقامی مارکیٹ میں ایک تولہ چاندی کی قیمت 30 روپے کمی کے بعد 7 ہزار 8 روپے مقرر کی گئی ہے،

جبکہ 10 گرام چاندی 25 روپے سستی ہوکر 6 ہزار 8 روپے کی ہوگئی۔صرافہ مارکیٹ کے تازہ اعداد و شمار کے مطابق سونے اور چاندی کی قیمتوں میں اتار چڑھاؤ کا سلسلہ برقرار ہے۔ عالمی منڈی میں قیمتی دھاتوں کے نرخوں میں ہونے والی تبدیلیاں مقامی مارکیٹ کی قیمتوں پر بھی اثر انداز ہو رہی ہیں۔ماہرین اور کاروباری حلقوں کی نظریں روزانہ جاری ہونے والے صرافہ نرخوں پر مرکوز ہیں، کیونکہ قیمتی دھاتوں کی قیمتیں عالمی مارکیٹ کی صورتحال کے ساتھ تبدیل ہوتی رہتی ہیں۔ تاہم مختلف شہروں میں دکانداروں کے نرخ اور زیورات کی اجرت کے باعث حتمی خرید و فروخت کی قیمت میں فرق ہوسکتا ہے۔