لاہور(نیوزڈیسک)اسلام آباد میں تحریک لبیک کا دھرنا،نوازشریف کے داماد کیپٹن(ر) صفدر نے کہا ہے کہ اقلیتوں کا بھی ملک پر حق ہے اور انہیں بھی حقوق دیئے جانے چاہئیں،انہوں نے کہا کہ دھرنے کو ختم کروانے کے لئے فوج کی مدد نہیں لے سکتے کیونکہ فوج کی مدد تو سیلاب اور زلزلوں میں لی جاتی ہے دھرنوں میں نہیں،
انہوں نے دھرنا دینے والوں کی حمایت کی اور کہا کہ ادارے دھرنے والے معاملے سے خود ہی نمٹ لیں گے اور اگر دھرنے والوں نے مجھے شرکت کی دعوت دی تو میں بھی جاکر بیٹھ جاؤں گا، ختم نبوت ؐ کا معاملہ حساس ہے یہ معاملہ میرے لئے اور کسی کے لئے بھی معمولی بات نہیں ہے۔
