اسلام آباد (مانیٹرنگ ڈیسک)نواز شریف نے سلمان شہباز کو خاندانی میٹنگ میں اپنا سیاسی جانشین مقرر کیا، وزیراعلیٰ پنجاب کیلئے مریم نواز کے داماد راحیل منیر کا نام بھی سامنے آرہا ہے، صحافی نے جب انٹرویو کیلئے رابطہ کیا تو مریم نواز کے بیٹے جنید صفدر نے کہا کہ ماما کو چھوڑیں میں آنے والا وزیراعظم ہوں، میرا انٹرویو کریں، سینئر صحافی اسد کھرل کے انکشافات۔ تفصیلات کے مطابق نجی ٹی وی پروگرام میں گفتگو کرتے ہوئے سینئر صحافی اسد کھرل نے انکشاف کرتے ہوئے کہا ہے کہ لندن میں شریف خاندان
کی میٹنگ میں نواز شریف نے اپنا سیاسی جانشین شہباز شریف کے بیٹے سلمان شہباز کو مقرر کیا ہے۔اسد کھرل کا کہنا تھا کہ اس سے قبل وزیراعلیٰ پنجاب کیلئے مریم نواز کے داماد راحیل منیر کا نام سامنے آرہا تھا۔سلمان شہباز کو لانچ کرنے کا مقصد یہ بھی ہے کہ ان کے چوہدری منیر کے خاندان کے ساتھ اچھے تعلقات ہیں ۔ اسد کھرل نے مزید انکشاف کرتے ہوئے کہا کہ جب ایک صحافی نے انٹرویو کیلئے رابطہ کیا تو مریم نواز کے صاحبزادے جنید صفدر نے کہا کہ آپ ماما کو چھوڑیں میرا انٹرویو کریں ، میں آنیوالا وزیراعظم ہوں۔
