اسلام آباد (مانیٹرنگ ڈیسک) تحریک انصاف کے رہنما شاہ محمود قریشی نے کہا ہے کہ وہ پارٹی قیادت سے ناراض نہیں ہیں، تفصیلات کے مطابق تحریک انصاف کے وائس چیئرمین شاہ محمود قریشی نے کہا ہے کہ پارٹی قیادت سے ناراضی کا تاثر درست نہیں۔ شاہ محمود قریشی نے خانیوال میں منعقدہ جلسے سے خطاب کے دوران وضاحت کی کہ پارٹی قیادت سے ناراضگی کی خبریں بے بنیاد ہیں، انہوں نے خطاب کے دوران کہا کہ گزشتہ کچھ جلسوں میں قومی اسمبلی
اجلاس کی وجہ سے میں شریک نہ ہو سکا اس کا یہ مطلب نہیں کہ میں پارٹی قیادت سے ناراض ہوں۔ انہوں نے کہا کہ اب میں تحریک انصاف کے تمام جلسوں میں بھرپور شرکت کروں گا۔ تحریک انصاف کے وائس چیئرمین اور رکن قومی اسمبلی شاہ محمود قریشی نے مزید کہا کہ ہم ملک میں کسی غیر آئینی اقدام کی حمایت نہیں کریں گے اس کے علاوہ ملک میں انتخابات وقت پر ہونے چاہئیں۔اس طرح شاہ محمود قریشی نے پارٹی قیادت سے ناراضی کی تردید کر دی۔
