ننکانہ صاحب (آن لائن) بابا گورو نانک دیوجی مہاراج کے 549ویں جنم دن کی تقریبات میں شرکت کیلئے دنیا بھر کے ممالک سے آنیوالے خالصتانی سکھ یاتریوں من موہن سنگھ ست رام سنگھ جر نیل سنگھ وغیرہ نے گوردوارہ جنم استھان میں خالصتانی اور کشمیریوں کی آزادی کیلئے خصوصی دعا کی اور انہوں نے وہاں خبر
رساں ایجنسی سے باتیں کرتے ہوئے کہ وہ دن دور نہیں جب مقبوضہ کشمیر میں آزادی اور پاکستان کا پرچم اور خالصتان کی آزادی کا پرچم پنجاب میں لہرائے گا دریں اثناء سکھ مذہب کے بانی با با گورو نانک دیوجی مہاراج کے 549ویں جنم دن کی تقریبات میں شرکت کیلئے بھارت سے آنیوالے 2363بھارتی سکھ یاتریوں کے جتھہ لیڈر گرمیت سنگھ نے گردوارہ جنم استھان میں باتیں کرتے ہوئے کہا کہ ہمیشہ کی طرح واہگہ باڈر سے لے کر ننکانہ تک بھارت سے آنیوالے سکھ یاتریوں کا بہت والہانہ استقبال کیا گیا ہے اور پاکستان کی قوم نے بہت پیار دیا ہے انہوں نے کہا کہ پاکستان اور بھارت کی عوام اب1947کی تلخیاں بھلا کر آپس میں محبتوں کے رشتے قائم کرنا چاہتے ہیں۔
