لاہور (مانیٹرنگ ڈیسک) پنجاب حکومت کی 56 کمپنیوں کا ریکارڈ آتشزدگی سے محفوظ بنانے اور اقدامات کرنے کے لئے لاہور ہائیکورٹ میں متفرق درخواست دائر کر دی گئی۔ اظہر صدیق ایڈووکیٹ کی طرف سے دائر درخواست گزار میں موقف اختیار کیا گیا ہے کہ پنجاب حکومت کی جانب سے قائم کی جانے والی 56کمپنیوں میں مبینہ طور پر 80ارب روپے کی کرپشن

کرکے قومی خزانے کو ناقابل تلافی نقصان پہنچایا گیا،پنجاب حکومت کا ماضی منصوبوں کے ریکارڈ کو محفوظ کرنے کے حوالے سے تسلی بخش نہیں۔56کمپنیوں کے کیس کے دوران بھی خدشہ ہے کہ ریکارڈ کو ختم کرنے کے لیے آتشزدگی کا واقعہ رونما ہوسکتا ہے۔لہٰذا معزز عدالت سے استدعا ہے کہ کیس کی سماعت کے دوران ریکارڈ کو محفوظ بنانے کے اقدامات کا حکم دیا جائے ۔