اسلام آباد(مانیٹرنگ ڈیسک) قادیانیوں کے خلاف اسمبلی میں تقریر کیپٹن (ر)صفدر کو لے ڈوبی، پارٹی کی بنیادی رکنیت منسوخ ہونے کا امکان۔ تفصیلات کے مطابق نجی ٹی وی چینل نائنٹی ٹو نیوز کی رپورٹ میں دعویٰ کیا گیا ہے کہ ختم نبوت حلف نامے میں ترمیم اور قادیانیوں کے خلاف قومی اسمبلی میں تقریر نے لیگی قیادت کیلئے مسائل میں
اضافہ کر دیا ہے اور بیرون ملک ہونیوالے پارٹی اجلاس میں لیگی قیادت نے کیپٹن (ر)صفدر کی تقریر کو بھی موضوع بحث بنایا اور اس سے پیدا ہونیوالی صورتحال پر غور کیا گیا۔ رپورٹ میں دعویٰ کیا گیا ہے کہ نواز شریف کے داماد کیپٹن (ر)صفدر کو پارٹی سے نکالنے کا امکان ہے اور ان کی پارٹی کی بنیادی رکنیت بھی منسوخ کی جا سکتی ہے۔
