کراچی (مانیٹرنگ ڈیسک) انسداد دہشت گردی کی عدالت میں پولیس نے شاہد حامد قتل کیس کا عبوری چالان جمع کرادیا ہے، جس میں ملزم محبوب عرف غفران نے بانی ایم کیو ایم کے حکم پر قتل کا اعتراف کرلیا ہے۔تفصیلات کے مطابق کراچی کی انسداد دہشت گردی عدالت میں سابق ایم ڈی کے ای ایس ای شاہد حامد قتل کیس کی سماعت ہوئی، ملزمان منہاج قاضی اورمحبوب عرف غفران عرف اطہرعدالت میں پیش ہوئے۔ سماعت
کے موقع پر پولیس کی جانب سے کیس کا عبوری چالان پیش کیا گیا،چالان کے مطابق محبوب عرف غفران عرف اطہر نے صولت مرزا کے ساتھ شاہد حامد کو قتل کرنے کا اعتراف کیا ۔عبوری چالان میں ملزم نے بیان دیتے ہوئے بتایا کہ بانی ایم کیو ایم کے حکم پر سابق ایم ڈی کے ای ایس ای شاہد حامد قتل کیا، پولیس کی جانب سے جمع کرائے گئے عبوری چالان میں ایم کیو ایم بانی اور ندیم نصرت کو مفرور قرار دیا گیا ہے۔
