لاہور( این این آئی )وزیراعظم شاہد خاقان عباسی لندن کے نجی دورے کے بعد پی آئی اے کی پرواز کے ذریعے وطن واپس پہنچ گئے،لاہور کے علامہ اقبال انٹرنیشنل ایئرپورٹ پر حکومتی نمائندوں نے ان کا استقبال کیا۔
ایئرپورٹ ذرائع کے مطابق وزیراعظم شاہد خاقان عباسی پی آئی اے کی لندن سے لاہور کی براہ راست پرواز پی کے 758کے ذریعے منگل کی صبح پانچ بج کر پچپن منٹ پر وطن واپس پہنچے۔ لندن میں وزیراعظم شاہد خاقان عباسی نے مسلم لیگ (ن)کے صدر اور سابق وزیراعظم نواز شریف سے بھی ملاقات
کی اور ان سے ملکی و سیاسی صورتحال پر تبادلہ خیال کیا۔ذرائع کے مطابق مانچسٹر سے اسلام آباد کی پرواز تاخیر کا شکار ہونے کی وجہ سے وزیراعظم شاہد خاقان عباسی نے اسلام آباد کی بجائے دستیاب پرواز کے ذریعے لاہور پہنچنے کا فیصلہ کیا۔
